Gipadayag ni Luz Antiza Denuyo, founder sa Ganda Natural Farming System Philippines Inc., nga padayon ang pagpalig-on sa ilang advocacy nga naghatag og paglaum ug kabuhayan sa mga inahan ug kababayen-an sa kabukiran sa Rehiyon Diyes pinaagi sa natural farming system.
Matod niya, ang mga inahan, housewives ug women farmers nakabenepisyo sa ilang programa nga nagtumong sa pagpalambo sa panginabuhi pinaagi sa sustainable agriculture ug indigenous knowledge system.
Gitataw usab ni Denuyo nga ang Ganda Natural Farming adunay siyam ka sistema nga naglangkob sa holistic nga paagi sa pagpanguma, diin apil ang Ganda Mobilized Living Community nga nagpalig-on sa komunidad.
Gawas niini, gilaraw sa organisasyon ang padayon nga pagbansay aron mahatagan og mas lawom nga kahibalo ang mga mag-uuma, ilabina ang mga kababayen-an sa kabukiran.
Iyang giingon nga pinaagi sa maong advocacy, nahatagan og bag-ong paglaum ang mga pamilya sa rural areas nga makab-ot ang food security ug dugang kita.
Padayon usab nilang palapdon ang programa aron mas daghan pa nga kababayen-an ang mahatagan og kahigayonan sa pag-uswag sa ilang kinabuhi ug komunidad.
