Gitudlo ni Luz Antiza P. Denuyo nga ang nag-unang hinungdan sa grabeng kainit mao ang tulo ka mga gawi sama sa illegal mining, illegal cutting sa mga kahoy, ug ang gitawag niya nga illegal farming.
Dugang pa sa founder sa Ganda Natural Farming System of the Philippines, Inc., nakadaot sa kinaiyahan ang paggamit ug mga synthetic chemicals sa pag-uma tungod kay gusto ra sa mga tawo ang shortcut ug dali nga resulta.
Labaw pa niini, gipadayag usab ni Denuyo nga kanunay ang mga pobre ang madakpan ug mag-antus, samtang ang mga sapian nga maoy nagpauna sa deforestation magpabilin nga libre.
Gumikan niini, nanawagan siya sa panaghiusa sa mga ahensya sa gobyerno, mga LGU, ug mga lider sa simbahan aron magtinabangay sa pagpatuman og hustong balaod nga makapanalipod sa kinaiyahan ug sa panglawas sa tanan.
