CAGAYAN DE ORO CITY- Prioridad ni Marawi City Mayor Majul Gandamra ang nagpadayong rehabilitasyon sa ilang dakbayan.
Kini ang iyang gibutyag human siya subling napiling mayor sa Marawi City diin siya nakakuha’g 22, 897 boto batok sa iyang walo ka kaatbang.
Miingon si Gandamra nga duha ka tuig na ang nakalabay human nahitabo ang pag-atake sa Maute-ISIS group sa Marawi apan wala pa gihapon nakabangon ang ilang syudad.
Gihangyo niini ang kongreso nga motabang aron mapadali ang rehabilitasyon sa Marawi.
Samtang pabiling generally peaceful ang assessment sa Western Mindanao Command sa midterm election sa Central Mindanao.
Kini taliwala sa mga violence incidents nga natigayon ubos sa ilang area of responsibility.
Sa ekslusibong pakighinabi sa Bombo Radyo, nalipay si Westmincom spokesperson Lt. Col. Gerry Besana tungod kay miubos ang kaso sa mga violence incident nga natigayon sa lugar itandi sa miaging presidential elections.
Siya miingon nga miubos sa halos 50 porsyento ang kaso sa pagpangharass, pagpamusil ug pagpabusikad sa granada.
Gidayeg ni Besana ang pagpatuman sa peace and order sa maong lugar.
