CAGAYAN DE ORO CITY-Madugangan pa ang kaso nga atubangon sa magsoon nga lideres sa Bongcaron Criminal Gang naglihok sa Manolo Fortich, Bukidnon.
Kini human nasikop sa hiniusang puwersa sa kapolisan ang mga suspek nga sila si Rodolfo ug Alfredo Bongcaron nga nagpuyo sa Brgy Alae sa maong lugar.
Gibutyag ni CIDG deputy for operations head Supt Melgar Devaras nga si Rodolfo ang gitumbok pagpatay sa duha ka mayor ug kagawad sa Bukidnon ug Misamis Occidental sa miaging katuigan.
Nalambigit usab ang magsoon sa giingong pagpayuhot sa gidiling droga.Eskapo usab si Bongcaron Misamis Oriental Provincial Jail tungod sa kasong frustrated homicide ug carnapping sa tuig 1993.
Kabahin sa nakuha sa mga suspek ang caliber .45 pistol, seven M16 bullets ;8 ka caliber .45 cartridges caliber .22 pistol, 2 ka homemade/improvised guns ug 50 caliber .22 cartridges.
