CAGAYAN DE ORO CITY – Kasuhan sa kapolisan sa homicide ang pipila ka batan-on nga gitudlong responsabli sa pagdunggab-patay sa 19 anyos nga lalaki sa dihang natigayon ang karambola sa Lirio-Ipil Streets,Brgy Carmen ning syudad.
Kini human e-tudlo sa pipila ka saksi nga si Samson Payonda ang midunggab-patay sa biktima nga si John Obsid nga taga-Sitio Tambo sa maong brgy.
Gibutyag ni Carmen Police Station commander Maj Mario Mantala Jr nga dugay nang dunay dumot ang duha ka panig nga nag-resulta sa karambola.
Una nang nadala sa ospital ang biktima tungod sa tulo ka samad dinunggaban apan wala kini maluwas samtang detinado anag mga suspek sa mini-cell sa kapolisan.
Dumduman nga inisyal nasuta sa kapolisan nga sinabutan ni Obsid kinsa lider sa grupong ‘Public Enemy’ ug Payonda nga nangulo usab sa pundok nga Solidong Batang 13 nga magka-rambola sila apan wala damha nga kini moresulta sa pagpangunggab.
