CAGAYAN DE ORO CITY-Patay ang usa ka batan-on sa nahitabong ‘gang war’ diha sa Brgy Macabalan ning syudad.
Giila ang si John Vincent Papas,18-anyos, residente sa maong dapit.
Si Papas ang nakaangkon sa walo ka dinunggaban sa iyang lawas nga hinungdan sa iyang kamatayon.
Samtang, hustisya ang gisinggit sa pamilya sa biktima ilabina nga naila nga bootan nga pagka-anak ang namatay.
Sumala sa igsoon niini nga si Shiela May Papas, dili bugoy ang iyang igsuong biktima apan barkadista.
Hisayran nga maoy nag-away ang gang nga Alpha Solid Gang ug Paksibil Simple Guys.
Gikustodiya na sa Macabalan PNP ang17-anyos nga gidudahang usa sa mga suspek sa pagdunggab-patay.
Matud sa igsoon sa menor de edad nga si Milagros Gamboa nga wala siya’y kasayuran sa krimen nga gikalambigitan sa iyang igsoon.
Gani, gidepensahan niini ang gang nga giapilan sa iyang manghod.
Apan giangkon ni Gamboa nga sige kakita’g riot ang iyang igsoon sukad ma-miembro sa grupo.
