CAGAYAN DE ORO CITY- Gikonsidarar nga sulbad na ang kasong paglugos-patay sa tinun-an nga si Cherry Mae Dayo kinsa giingong gi-gangrape sa 5 ka suspek sulod sa Balinados residence sa JR Borja-Capistrano Streets sa syudad.
Kini human giangkon na sa prime suspect nga si Warren Amarga nga nahinaykan niya ang b biktima pagdunggab hinungdan sa kamatayon niini.
Gibutyag ni Divisoria Police Station commander Sr Insp Maricris Mulat nga kasong rape with homicide ang atubangon ni Amarga ug laing 4 ka kauban sa piskalya ugmang adlawa.
Samtang paningkamutan sa tunghaan sa Southen Philippines College o SPC nga matunulan pa sa dugang hinabang ang pamilya ni Dayo.
Pasalig kini ni SPC registrar Dr Armand Gumahad human sila inisyal nakatunol sa P3-mil sa pamilya sa biktima kagahapong adlawa.
Gipaniguro ni Gumahad nga mahatag sa pamilya ni Dayo ang iyang insurance gikan sa ilang tunghaan.
