(Update) CAGAYAN DE ORO CITY – Gitangtang na sa pagsilbing special investigator sulod sa City Legal Office ug secretariat sa Regulatory Complaint Board o RCB ang empleyado sa city hall nga si John Laro.
Kini human gisugdan na ang pag-imbestigar sa maong kaso pinaagi ni City Legal Office head Atty Donald Delegencia batok sa gihampak nga alegasyon nga pagpangilkil kang Laro sa usa ka manager sa karnabal diha sa Brgy Macabalan ning syudad.
Miingon si acting city administrator Dionne Gersana nga si Laro ang opisyal nang moreport sa buhatan ni City Mayor Osar Moreno epektibo sa adlaw’ng Lunes.
Una nang nagdumili si Laro paghatag sa iyang panig sa Bombo Radyo sa dihang kini makapila gikuhaa’g pahayag sulod sa selda sa Macabalan Police Station sa miaging adlaw.
