CAGAYAN DE ORO CITY – Misaka pa dul-ag lima ang reklamante sa nadakpan nga “extortionista” nga nagpa-aron-ingnon nga pulis, sulod sa Bulua Terminal.
Giila ni City Director Col Henry Dampal ang suspek nga si Glenn Calang, 35 anyos, dunay kapuyo ug residente sa Aquiles St., Brgy. Bayabas, ning syudad.
Base sa reklamo, matag adlaw mangilkil ang maong suspek sa mga vendors sa isda nga nahimutang sa Fish Landing Area ug sa Westbound Vegetable Section.
Gi-awhag sa COCPO ang tanan reklamante o nakilkilan sa dinakpan nga magpa-blotter.
Kasuhan sa “robbery with extortion’ ang suspek.
