CAGAYAN DE ORO CITY – Nanamilit na si AFP chief of staff Gen Gilbert Gapay sa tropa sa 4th ID,Philippine Army nga dunay area of operation sa tulo ka probinsya sa Northern Mindanao ug tibuok Caraga region.
Kini human duawa ni Gapay ang Camp Evangelista aron ipaabot ang iyang pagpasalamat sa suporta sa division ayha hingpit mo-retiro sa pagkasundalo sa Pebrero ning tuiga.
Miingon si Gapay nga duol sa iyang dughan ang katawhan sa 4th ID kay dinhi nasugod ang iyang military career pag-graduate niini sa PMA Class 1986.
Samtang gipasalamatan usab sa liderato sa 4th ID,Philippine Army ubos ni Maj Gen Andres Centino ang pagbalik-lantaw ni Gapay sa iyang kasinatian diin nahimong beterano sa pang-gubatan dinhi sa Mindanao.
Miingon si Centino nga kabahin ang ilang dibisyon nga walay pu-as ang pagsuporta sa AFP ug nanghinaut sa maayong direksyon nga sudlan sa kinabuhing sibilyan ni Gapay kinsa hulipan ni Philippine Army chief Maj Gen Cirilito Sobejana sunod bulan.
