CAGAYAN DE ORO CITY – Gi-andam na sa Regional Drug Enforcement Unit o RDEU ang kasong pagsupak sa RA-9165 nga ilang ipasaka batok sa garbage collector sa Gingoog City nga ilang nasikop dinhi sa dakbayan tungod sa pagbaligya sa ginadiling druga.
Naila ang dinakpan nga si Raymund Mendoza, 28 anyos, minyo nga taga syudad sa Gingoog.
Miingon si PO3 Emer Arabe nga ilang nasikop si Mendoza sa ilang gilusad nga drug buy bust operations diha sa Kamuning St. , Brgy. Carmen ning syudad.
Nakuha gikan sa posisyon niini ang 1.2 gramos nga drugang shabu ug nagbalor sa 12-mil pesos. Siya matud pa ang supplier sa ginadiling druga sa mga mekaniko ug habal-habal driver dinhi sa dakbayan.
Na-priso usab siya kaniadto sa kasong highway robbery ug carnapping.
