CAGAYAN DE ORO CITY – Nagpasidaan si CLENRO manager Engr Armen Cuenca sa publiko nga dili tugtan nga adunay makahimo’g Christmas solicitation ang mga empleyado sa kontraktor nga kolektor sa mga basura sa dakbayan.
Kini human nakaabot kang Cuenca ang impormasyon nga adunay pagpangbilin sa mga sobre aron mangayua’g salapi ang mga tagbalay nga kuhaan sa mga basura.
Miingon si Cuenca nga ikalipay nila nga adunay boluntaryo nga mohatag isip pinaskuhan sa garbage collectors.
Apan dakong illegal nga pugson ang mga tagbalay ug dili na regular kuhaon ang mga basura kon dili makahatag sa ilang kagustuhan.
