CAGAYAN DE ORO CITY – Nagdumili hisgutan ni late former Commission on Elections Commissioner Atty. Virgilio Garcillano ang kabahin sa kamatayon sa tawo.
Kini subay sa pagsaysay sa iyang suod nga higala nga si Noel Ravidas kinsa kanhi budget officer sa munisipyo sa lungsod sa Baungon,Bukidnon.
Sa pagsaysay ni Ravidas kinsa kabahin sa mihatod sa katapusang pahulayan ni Garcilano sa Pryce Garden sa Brgy Lumbia kaganihang buntag nga nagka-estorya pa sila sa unang semana sa Marso ning tuiga.
Gisaysay niini nga nagkadaiyang mga isyu o topiko ang ilang gakahisgutan apan gawas lang pagkamatay sa tawo.
Kini tungod kay gusto pa ni Garcillano nga magpakabuhi sa dugay’ng panahon kung mahimo pang kalikayan ang tawag sa kamatayon.
Siya miingon nga klase sa tawo si Garcillano nga gapaminaw sa iyang mga tambag bisan pa nga kini dili abogado.
Kini ang rason nga nakurat si Ravidas dihang nasayran nga wala na ang iyang suod nga higala.
Dumduman nga igo lang natumba sulod sa ilang pansayan ug pakyas nang maluwas sa mga mananambal nga nag-atiman kay paspas nahutdan sa hangin ang iyang lawas sa Marso 29 sa gabii.
Hisayrang kanhi kontrobersyal si Garcillano kay giakusahan kini nga nagmani-obra sa resulta sa eleksyon tali kang kanhi presidente ug karon Pampanga Congresswoman Gloria Macapagal Arroyo o PGMA batok late former TV action star Fernando Poe Jr sa 2004 presidential elections.
