CAGAYAN DE ORO CITY – Gisalig ni kanhi 4ID,Philippine Army spokesperson Lt Col. Francisco Garello Jr kanila ni Lt Col Jenlyne Fallar ug Major Joe Patrick Martinez ang mga kalihukang pang-impormasyon alang sa publiko ubos sa Division of Public Affairs Office o DPAO sa Kampo Edilberto Evangelista,Brgy Patag ning syudad.
Kini human hingpit nang gitugyan ni Garello kanila ni Fallar ug Martinez ang padayong pagdumala sa DPAO diin dili lang paglugwa’g press releases sa mga kalihukan sa 4ID ang trabaho apan mismo mohimo na’g pagbalita pinaagi sa naporma nila nga 4ID newsroom.
Siya miingon nga anaa sa mga kapas ni Fallar kinsa magsilbing DPAO chief ug Martinez nga magbalik tigpamaba sa 4ID aron mas mapaduol pa ang gobierno sa katawhan ilabina sa kabukiran sa Caraga ug Northern Mindanao regions.
Si Garello nga lumad taga- Cagayan de Oro City ang madestino na sa Philippine Army headquarters nga nakabase sa Fort Bonifacio sa kauluhan.
Gisaksihan ang simple nga seremonya sa bag-ong liderato sa DPAO ni 4ID commanding general Major General Michele Anayron Jr nga nahimo usab nga tigpamaba kaniadto sa dibisyon sa dugay’ng panahon.
Tipik sa naghatag hagit sa DPAO ubos sa liderato ni Garello ang mga panghitabo ang pagkahaga sa C-130 plane sa Sulu;pagka-patay ni CPP-NPA National Operations Command Jorge Madlos alyas Ka Oris sa Bukidnon nga pulis natigayon sa tuig 2021.
Gisugat usab sa kontrobersya ang 4ID nunot sa pagpinusilay sa pipila sa ilang mga sundalo sulod sa kampo;pagkasunog sa ammunition room ingon man ang kamatayon ni Myrna Sularte alyas Ka Maria Malaya sa Butuan City ug pagkahagsa sa FA-50 fighter jet sa Bukidnon ning tuiga.
