CAGAYAN DE ORO CITY -Gipangita sa mga personahe sa Tagoloan Police Station ang duha ka suspetsado nga mitulis sa Flying V gasoline station sa Brgy Natumolan, Tagoloan, Misamis Oriental.
Gibutyag ni Police Staff Sgt. Charlie Cabaltiera, desk officer sa Tagoloan Police Station nga gamit lamang ang kutsilyong gition sa nag-inusarang gas man on duty nakuha sa duha ka lalaking responsable ang balor 355-mil pesos nga kwarta nga nakabutang sa safety vault sa gasoline station nga gipanag-iyahan ni Ordel Francis Dellegos.
Gitan-aw usab ang posibilidad nga inside job ang hitabo. Padayon pang giimbestigaran sa kapulisan ang maong insidente.
