CAGAYAN DE ORO CITY – Natangag sa lima ka armadong tulisan ang sobra 400-mil pesos cash ug ubang valuables sa pagkatulis sa gasoline station sa Purok 2A,Barangay Rebe,Lala, Lanao del Norte kaganihang kadlawon.
Subay sa Lala Municipal Police Station nga maoy gitulis ang RM C Petrol Gasoline Station nga gipag-iya sa negosyanteng si Charizze Calva nga taga-Bukidnon.
Sa inisyal nga imbestigasyon,nagpatoo ang mga tulisan magpatubil sa gimaneho nila nga kolor green Toyota Revo dihang kalit gitiunan sa nagkadaiyang klase sa armas ang kahera ug mismong sekyu hinungdan nahurot ang salapi nga anaa sa maong balay-patigayon.
Gawas sa salapi nga gibitbit sa mga tulisan,natangag usab ang duha ka celphones, CCTV box ug internet modem ay sibat sa wala matino nga direksyon gikan sa crime scene.
Gilusad pa sa intelligence operatives ang pursuit operation batok sa mga tulisan.(Photo: Mike Navarro).
