CAGAYAN DE ORO CITY – Nadala sa wala mailang mga tulisan ang kinitaan sa gasoline station diha sa Villarin Street,Brgy Carmen ning syudad.
Kini human tulisa sa wala mailang mga tulisan dihang gitiunan ang cashier nga si Joevani Pader sa Geo Gas sa maong lugar.
Miingon si Police Corporal Mae Gelly Magtultol sa Carmen Police Station nga wala makalihok ang biktima sa pagti-on sa suspek sa armas hinungdan nadala ang 40-mil pesos nga kinitaan sa gasolinahan.
Nagtoo ang kapolisan nga may look-out ang suspek samtang kini mihimo’g pagtulis sa biktima.
Giimbestigaran sa kapolisan ang hitabo diin paspas misibat ang suspek nga naka blue t-shirt, black shortpan ug pula nga helmet sakay sa XRM motor color white ug red combination.
