Gibanabana nga moabot sa usa ka gatos ka mga anti-war protesters ang gidakop sa kapulisan sa Manhattan, New York human sa gipahigayon nga sit-in sa gawas sa buhatan nila ni US Senators Chuck Schumer ug Kirsten Gillibrand.
Gipanawagan sa maong mga raliyista nga suportahan sa mga senador ang tinguha sa Senado nga babagan ang pagbaligya sa mga armas sa Amerika ngadto sa nasud sa Israel.
Lakip sa mga gipangposasan sa New York City Police Department ang pipila ka mga iladong aktibista ug opisyal nga mialli sa maong kawsa.
Tungod sa maong lihok-protesta, nakasinati og grabeng pagkabara sa dagan sa trapiko ang Third Avenue samtang nagdumili paghawa ang mga demonstrador sa maong dapit.
Gilauman nga mahitabo ang botasyon sa Senado kalabot sa maong resolusyon karong semanaha dungan sa pagbalik sa sesyon sa Kongreso. (phillip ariata)
