Kapin gatus ka mga sakyanan ang nagkarambola sa Ottawa County, Michigan tungod sa grabe nga snowstorm.
Segun sa report, nahitabo ang insidente sa Interstate 196 duol sa Hudsonville, diin gisirado ang duha ka direksyon sa dalan sa Michigan State Police aron mahipos ang mga sakyanan.
Lakip sa na-aksidente ang 30 hangtod 40 ka semi-trailer trucks gawas pa sa daghang pribadong sakyanan.
Namahayag ang mga awtoridad nga adunay mga samdan nga gidala sa ospital apan kasagaran minor injuries lang.
Ang hinungdan sa disgrasya mao ang whiteout conditions gikan sa lake-effect snow nga nagpaubos sa visibility sa usa ka-kapat nga milya ug ug gisamutan sa kusog nga huyop sa hangin nga muabot sa 40 mph.
Gibadlong usab sa National Weather Service ang publiko nga likayan ang pagbiyahe sa major roads sa maong estado tungod sa zero visibility dala sa snowstorm .
