CAGAYAN DE ORO CITY – Gipakanaug sa Police Regional Office 10 ang dugang sobra gatos ka pulis aron mohatag sa dugang kalig-on sa ipatuman nga seguridad sa publiko sa obserbasyon sa semana santa sa Northern Mindanao region.
Kini human imando ni PRO 10 Director Brig Gen Jaysen De Guzman ang pagpadala’ g dugang tropa sa mga lugar diin anaa ang pagtapok sa katawhan nga namalandong ning semanaha.
Namahayag si PRO 10 spokesperson Major Joann Navarro nga mohimo usab sa pagsusi ang commission officers sa PNP pagsiguro nga masunod ang gipatuman nga security implementation plan alayon niini.
Siya miingon nga ang maong mga pulis gimanduan pagdalikyat sa police stations diin sulod sa lokasyon sa ilang kasamtangang gipangpuy-an.
Miingon ang opisyal nga ang presensiya sa ‘augmentation force’ ang molungtad hangtod sa Domingo sa Pagkabanaw.
Hisayrang daan nang adunay mil-577 ka pulis ug ubang augmentation forces ang napakatag palibot sa rehiyon alayon sa maong tinuig nga obserbasyon.
