PC:Owner
CAGAYAN DE ORO CITY-Nangaguba ang daghang kabalayan ingon man ang mga barangay hall,school buildings ug simbahan sa upat ka barangay sa Talakag,Bukidnon.
Kini human unang gitay-og sa 5.2 magnitude nga linog diin nagsumikad ang sentro Brgy Indulang sa maong lungsod.
Miingon si Bukidnon PDRRMO head Johan Damasco nga gawas sa mga gambalay sa gobierno nga nangadaot,apektado usab ang dul-ag 30 ka balay sa kapin gatos ka residente tungod sa hitabo.
Hinoon,wala malatid sa initial assessment report kon may mga residente nga nasamdan atol sa maong linog.
Kabahin usab sa apektado diin may mga balay nga nangaguba ang mga residente sa Brgy Liguron,Brgy San Rafael ug Brgy Tikalaan.
Nasayran nga nabati usab ang gingkusgon sa linog sa ubang lungsod ug syudad sa Bukidnon,Iligan City,Misamis Oriental ug mismo ning syudad niadtong miaging adlaw.
