CAGAYAN DE ORO CITY – Nasanta ang kapin gatus ka mga armas nga paso ug walay lisensya sa Misamis Oriental Provincial Police Office o MOPPO.
Si Police Lt. Princess Joy Enriquez, spokesperson sa MOPPO miingon sa Bombo Radyo Cagayan de Oro nga sukad Enero 1 hangtud Abril 19, misaka pa sa 122 ka armas ang ilang nakumpiskar ug gitahan sa mga gunholders pinaagi sa ilang gilusad nga OPLAN KATOK.
Gitin-aw ni Lt. Enriquez nga hangtud Abril 22 taman ang ilang paghulat sa tanan gun owner nga paso na ang lisensya nga mutahan sa ilang armas aron dili masilbihan sa search warrant ug makasuhan sa paglabas sa illegal possession of firearms kon Republic Act No. 10591.
Karong Abril 29, adlaw’ng Lunes, mulusad sa press confernce ang MOPPO sa San Martin Headquarters aron i-presentar ang mga natahan nga mga armas.
Una niini, gibutyag ni Col Rolando Destura, Misamis Oriental Provincial Police Director nga “for safe keeping” ang tanan armas ug ayha kini ibalik sa tag-iya kung kompleto na ang ilang mga dokumento.
Voice Clip of Police Lieutenant Princess Joy Enriquez, spokesperson MisOr-PNP
