CAGAYAN DE ORO CITY-Gatusan ka “high-powered firearms” ang giturn-over sa Joint Task Force Ranao gikan sa 11 ka munisipalidad sa Lanao del Sur.
Matud ni 1st Infantry Division Public Affairs Office chief Maj. Ronald Suscano nga moabot sa 155 high-powered firearms ang giturn-over kang Joint Task Force Ranao commander Maj. Gen. Roseller Murillo.
Miingon si Suscano nga 123 high-powered firearms ang naggikan sa munisipalidad sa Madalum, Bayang, Lumbatan, Calanogas, Ganassi, Binidayan, Balindong, Tugaya, Pagayawan ug Madamba samtang 32 firearms ang naggikan sa munisipalidad sa Saguiran.
Gipanguluhan mismo sa municipal mayors ang pag-turn over sa mga armas isip senyales nga suportado nila ang kampaniya sa Armed Forces of the Philippines batok loose firearms aron maangkon ang kalinaw Lanao del Sur.
