CAGAYAN DE ORO CITY – Nakapaabot na sa pasiunang ayuda ang pamunuan sa city hall ngadto sa daghang ihap sa mga pamilya nga apektado sa dakong sunog sa Zone 3,Sitio San Lazaro,Brgy Lapasan ning syudad kagahapong adlawa.
Kini human tahasi ni City Mayor Rolando ‘Klarex’ Uy si City Social Welfare Dept head Annie Tongson nga mahatod ang tabang sa pasiunang 206 ka pamilya o 813 ka residente nga apektado sa sunog nga nagpahimutang sa covered courts sa maong brgy.
Kabahin sa natunol sa mga nasunugang pamilya ang bugas,gamit sa kusina,canned goods,tsinelas,tuwala ingon sleeping linens.
Una niini,mitala sa 150 ka balay ang gisulti sa Bureau of Fire Protection nga nalamoy sa kalayo diin gikasulti nga nagsumikad sa pamilya ni Cerilio Sumalpong ang tinubdan.
Hinoon,mitala lamang sa usa ka menor de edad ang samaron apan dili grabe samtang 1.5 milyones pesos ang structural damage sa maong sunog.
