CAGAYAN DE ORO CITY-Gilaumang mosaka pa ang kapin dosentos ka pasahero ang natanggong diha sa Macabalan port ning syudad.Kini may kalabutan sa giisa nga signal no.1 sa Cagayan de Oro ug Misamis Oriental tungod sa bagyong Samuel.
Gibutyag ni Macabalan Port Police head Supt.Bernado Gartalla nga temporyong nagpasilong ang mga apektadong pasahero sa maong
pantalan.
Nanawagan si Gartalla ngadto sa mga pasahero nga kon mahimo maghulat na lamang sa deklarasyon sa pagpabalik sa byahe sa mga barko aron dili sila mahasol.
Una niini,walay kasayuran ang usa sa mga apektadong pasahero nga gipailalom sa signal no.1 ang Cagayan de Oro tungod sa bagyong Samuel.
Gibutyag ni Jimmy Panurangko,taga-Marawi City nga wala siya masayod nga adunay giisa nga signal no.1 hinungdan sa pagkasela sa mga byahe sa barko.
Dugtong pa niya nga maghulat na lamang sila sa pantalan hangtud nga tugutan nang molawig ang mga sakyanang pandagat.
