CAGAYAN DE ORO CITY-Gikumpirmar ni Cagayan de Oro City Police Office o COCPO spokesperson Supt Mardi Hortillosa nga dugang 350 ka police ang gi-deploy sa syudad.
Siya miingon nga naggikan ang gatusan ka pulis sa Regional Public Safety Battalion aron motabang pagbantay sa seguridad sa syudad.
Dugtong niini, lauman sa publiko nga daghang mga pulis ang makabantay sa bisan asang sook sa dakbayan hangtud mawala ang hulga sa syudad.
Samtang nangayo’g dugang police augmentation ang Iligan City Police Office sa nagkadool nga kapistahan sa ilang syudad.
Tumong niini nga dili mahitabo sa maong lugar ang pagpamomba sa Isulan, Sultan Kudarat.
Matud ni PNP-10 spokesperson Supt. Surki Sereñas nga 550 ka police gikan sa rehiyon ang ilang gi-deploy diin 350 niini sa Cagayan de Oro samtang 200 sa Iligan City.
Gipasalig sa PNP-10 ang hugot nga checkpoint ug police visibility sa duha ka syudad.
