CAGAYAN DE ORO CITY – Misaka pa sa 39 ka Good Conduct Time Allowance o GCTA law beneficiaries ang mitahan sa rehiyon.
Kini samtang matapos na ang ultimatum nga gimando ni Pres Rodrigo Duterte sa convicted criminals pag-surender ning adlawa.
Gibutyag ni Police Regional Office o PRO 10 spokesperson Police Lt. Col. Mardy Hortillosa nga gilangkuban kini sa 12 gikan Bukidnon, 8 sa Misamis Oriental, 7 sa Lanao del Norte, 6 sa Cagayan de Oro, 4 sa Iligan City samtang tag-usa sa Misamis Occidental ug Camiguin.
Miingon si Hortillosa nga 31 niini kadtong nakahimo’g heinous crimes sama sa pag-patay, rape ug uban pa.
Samtang dili pa makasugod sa pagpangdakop ang PRO-10 batok sa GCTA law beneficiaries nga convicted criminals nga wala pa mobalik sa kustodiya sa gobierno.
Kini bisan nga duol nang mahuman ang oras nga gihatag nga tagal ni Pres Rodrigo Duterte ngadto kanila.
Gibutyag ni Hortillosa nga maglisod sila sa pagtuman sa mando ni Duterte ug Dept of Justice ilabina nga wala pa sila makahupot sa listahan sa angay pangsikupon.
