Dili gusto ni Elmer Dela Rosa, kanhi political science professor, nga matakdan ang bag-ong henerasyon o Gen-Z sa sistematikong pagkakawatan sa mga nanarbaho sa gobyerno, ilabe sa Department of Public Works and Highways (DPWH) ug uban pa.
Ang pagkondinar sa grupo nilang Dela Rosa, nag-ugat sa mihungaw nga lapad nga kurapsyon sa DPWH, kundiin, nagsimbolo kini sa grabeng kahakog ug pangit nga kultura sa mga Pinoy.
Si dela Rosa miingon nga makadaut kini nga imahe ilabe na nga nagkatag ang mga pilipino sa tibook kalibutan ug madaut lang ang ilang dungog kay madamay sa isyu sa corruption scandal sa ahensya.
Gibutyag ni Dela Rosa nga tanan adunay bahin sa nahitabong korapsyon ug kinahanglan mamalandong, kay ang pipila sa mga sad-an, gipangbotaran man sa mga Pilipino!
Nanghinaut ang kanhi propesor nga unta ang bag-ong tubo mahimong maayong ehemplo aron dili na subli mabutang sa peligro ang kaugmaun sa nasud, ilabe na kung hisgutan ang inampingan nga pondo sa katawhan.
