Gipili ni Pres Bongbong Marcos ang kontrobersiyal nga si PNP-CIDG chief Major General Nicolas Torre III nga bag-ong hepe sa Philippine National Police.
Kini ang kompirmasyon ni Executive Secretary Lucas Bersamin karong adlawa lamang.
Miingon si Bersamin nga diskresyon ni Marcos isip commander-in-chief nga pili-on si Torre isip hulip kang PNP chief General Rommel Marbil nga hingpit nang mo-retiro sa Hunyo 7 ning tuiga.
Dugay ra unta mopaubos sa mandatory retirement si Marbil apan gilugwayan sa pila ka bulan ang iyang katungdanan tungod sa kagustuhan ni Marcos.
Si Torre kinsa ang miembro sa PNPA Class of 1993 nahimong kontrobersyal gumikan sa paglusob ug pagdakop kang Kingdom of Jesus Christ founder Pastor Apollo Quiboloy sa Davao City.
Napun-an pa kini sa iyang pagsunod sa mando sa administrasyon nga mangulo pagdakop kang kanhi Pres Rodrigo Duterte bisan wala ang tukma nga warrant of arrest nga gilugwa sa International Criminal Court tungod sa kasong crimes against humanity.
Kabahin usab si Torre nga gikasuhan ni Sen. Imee Marcos sa Ombudsman tungod kay nagtoo ang kadaghan nga ilegal ang pagdakop kang Duterte aron mapalabay didto sa ICC.
