Nagpabilin nga generally peaceful ang tibuok bulan nga pagsaulog sa Higalaay Festival sa dakbayan sa Cagayan de Oro bisan pa man sa nasatiang mga pag-ulan ug pipila ka gamay nga adjustment sa mga kalihokan.
Subay sa pamahayag ni Janboy Actub, spokesperson ni Mayor Klarex Uy, dako ang ilang pagpasalamat sa Ginoo ug sa kooperasyon sa katawhan tungod kay napanalipdan gayod ang seguridad sa lungsod sa tibuok gidugayon sa kapistahan.
Samtang, gipadayag sa maong opisyal nga wala pa nakahimo og opisyal nga post-assessment ang City Tourism Office uban sa mga stakeholders aron matugkaran ang kinatibuk-ang dagan sa maong selebrasyon.
Hinuon, dako ang pasalamat sa lokal nga panggamhanan ngadto sa tanang nitabang aron mahimong masadya ug malampuson ang tibuok kapistahan sa dakbayan.–
