Dayag ang kalabaka sa pipila ka geopolitical expert sa kalit nga deployment sa US Troop sa Lumbia Air Base sa Barangay Lumbia, ning syudad. Namahayag si Professor Anna Malindog-Uy, sa Institute of South-South Cooperation and Development (ISSCAD), nga kuwestiyonable ang gihimo sa mga paglanding sa Amerikanong Tropa sa Philippine Air Force sa Lumbia nga ginagamit usab isip Enhanced Defense Cooperation Agreement o EDCA site. Nakurat si Uy kung nganong hilom ang gobyerno kalabot sa ilang pag-abot ug nganong off-the-press ang ilang himoong aktibidad.
Dugtong niini, nabalaka usab si Uy sa mga kalihukan sa airbase ilabe na nga init pa ang tensyon sa Middle East kundiin ang target sa Iran mao ang mga military headquarters sa Amerika. Alang kaniya, daghang EDCA sites sa Pilipinas ug dili mapakilid ang dili tiaw nga kahadlok ug kabalaka sa mga residente sa maong lugar. –
