CAGAYAN DE ORO CITY, Philippines – Subling nagviral ang video footages ni Philippine Army Reservist ug action star Geral Anderson, sa pagluwas sa mga na stranded sa baha sa Quezon City.
Milutaw ang pagkamabayanihon ni Anderson diin siya mismo ang misalom sa baha ug nagdala sa inflatable boats aron luwason ang usa bata nga nagpuyo isip silingan sa iyang igsoon nga babaye sa maong syudad.
Giluwas usab sa aktor ang pamilya sa iyang igsoon nga lahos sa hawak ang baha.
Miingon ang igsoon ni Gerald nga dili nila makontak ang mga tawo sa barangay aron respondehan sila sa kalit nga pagsaka sa tubig baha.
Wala nila damha nga muabot ang aktor nga nagdalag tabang.
