Andam ang Germany nga moapil sa posibleng international mission aron masiguro ang seguridad sa Strait of Hormuz pinaagi sa paghatag sa mine clearance ug maritime reconnaissance capabilities, basta matuman ang ilang kondisyon.
Sumala sa Sueddeutsche Zeitung, ipresentar ni German Chancellor Friedrich Merz ang maong tanyag sa miting sa Paris karong Biyernes.
Lakip sa mga kondisyon ang paghunong sa hostilities, paglunsad sa international mission nga adunay pormal nga mandato (mas maayo gikan sa United Nations), ug pagtugot sa Bundestag.
Gilauman nga motambong sa miting si French President Emmanuel Macron, British Prime Minister Keir Starmer, ug Italian Prime Minister Giorgia Meloni.
