Gisaway sa usa ka Bangsamoro lawyer ang nahitabong pamaagi sa subling pagpili sa mga opisyal sa BARMM Parliament tungod sa gidudahang mga anomalya.
Gipasabot ni Atty. Badrodin “Bador” Mangindra, usa ka Bangsamoro lawyer, nga nakalapas sa Konstitusyon ang maong election tungod sa desynchronized nga nga pagpahigayon ug sa klarong gerrymandering o ilegal nga pagbahin-bahin sa mga distrito labi na sa mga barangay sa Cotabato City.
Gi-insistir sa abogado nga gigamit sa mga incumbent nga lokal nga politiko ang ilang gahum ug impluwensya aron diktahan ang resulta, samtang wala pa gani nahuman ang importante nga mga balaod sama sa Bangsamoro Revenue Code.
Tungod sa maong sitwasyon, giklaro sa opisyal nga daghang mga residente ug observers ang nadismaya sa nadangatan sa BARMM governance.
