CAGAYAN DE ORO CITY – Nagsilbi nang ‘person of interest’ ang hinigugmang babaye sa gipusil-patay nga reggae vocalist sa lungsod sa Salay,Misamis Oriental.
Kini subay sa gitaho ni Misamis Oriental PNP spokesperson Capt Geraldine Botanas nunot sa kamatayon ni Orly Ajan,25 anyos nga taga-Balingasag ning lalawigan.
Miingon si Botanas nga subay sa imbestigasyon gikalalis sa biktima ang hinigugma niini pipila ka adlaw sa wala nahitabo ang kremin.
Hisayrang duha ka tawo ang mipusil sa biktima samtang pauli na kini gikan sa iyang pagtukar sa banda sa Salay sa miaging gabii.
