Posible ipatuman sunod semana ang fare-hike nga gi-oktaba ni Presidente Ferdinand Marcos Jr niadtong Marso 17.
Kini ang gibutyag ni Northern Mindanao Federation of Transport Cooperatives (NOMFEDTRANSCO) President Luzminda Escobial, human niya nahinabi si Land Transportation Franchising and Regulatory Board (LTFRB) Chairman Atty Rigor Mendoza II.
Mi-ingon si Escobial nga makahatag kini’g gamay nga ginhawa sa ilang mga sakop nga transport groups kay ang uban kanila wala na namasada.
Una niini, naglaum ang grupo ni Escobidal nga mahatag dayon sa ilang mga draybers ug operators ang gisaad nga tag 10,000 fuel subsidy alang sa modern units.
Sa pagkakaron, lakip sa gihulatan sa mga operators ang printed copy sa taripa sayud sila nga lisud kaayo maningil nga walay bag-ong kopya kay dili siya gusto makiglalis sa ilang mga pasahero ug muabot pa ang reklamo sa buhatan sa LTFRB.
