CAGAYAN DE ORO CITY, Philippines (UPDATE) – Nakadawat, subli, sa “death threats”, ang tunghaan sa Apalachee Highschool sa Winder Georgia, USA.
Miingon si Chris Hosey, director sa Georgia Bureau of Investigation nga gitun-an na nila kung asa nagsumikad ang tawag sa usa ka telepono nga masubli ang hitabo.
Una niini, gitin-aw ni Piedmont Judicial Circuit District Attorney Brad Smith nga posibleng madugangan pa ang upa ka kasong felony nga gipasaka sa korte batok sa 14 anyos nga suspek sa pagpamusil nga si Colt Gray.
Gitin-aw ni Smith nga bisan menor de edad pa ang suspek, i-tratar sa korte nga anaa na kini sa tukmang edad aron dunggon ang iyang kaso ug hukman sa sentensya.
Ang bag-ong mga kaso magsumikad sa siyam pa ka mga biktima nga pulos gipamusil ni Gray dihang iyang gi-atake ang ilang tunghaan niadtong Setyembre 4.
Nadamay sa kaso ang iyang amahan nga si Colin, 54 anyos human nahukman kini sa korte nga mapriso sulod sa 180 ka tuig tungod sa kasong involuntary manslaughter, duha ka ihap sa second-degree murder ug walo ka ihap kasong cruelty to children.
