Gipahibalo ni Mindanao Business Conference Director Irene Floro nga anaa na sila sa finishing touches sa mga pagpangandam tungod kay hapsay ug ready na ang tanang macro-concerns sa maong kalihokan.
Subay niini, nakatala na sila og kapin 500 ka registered participants online, samtang gilauman usab nga moabot sa 800 hangtod 1,000 ang mga walk-in nga bisita diin andam silang modawat og hangtod 1,200 ka tawo sa plenary area.
Gawas pa niana, gibutyag usab ni Floro nga aduna nay 15 ka media outlets ang giila nga mohatag og press coverage sa tibuok nga kalihokan.
Tungod kay wala pa gihapoy pormal nga kumpirmasyon sa pagtambong ni Presidente Ferdinand Marcos Jr., gi-kansela una ang maong bahin sa programa apan andam gihapon sila kon sa kalit lang modesisyon ang pangulo nga motunga.
