Dili pa pwedeng dakpon dayon si Vice President Sara Duterte tungod sa giduso nga petisyon sa iyang legal team ngadto sa Supreme Court.
Gipahayag ni Atty. Samson So Tan sa Liceo de Cagayan University Law School nga lapas sa balaod ang pagpagawas og warrant of arrest sa korte tungod kay impeachable officer si Duterte ug protektado pa kini sa iyang posisyon.
Gipasabot ni Tan nga pwedeng gamiton sa kampo ni Duterte ang gahom sa Supreme Court aron ibasura ang warrant tungod sa pag-abuso sa korte sa ilang gahom.
Hinuon, gikwestyon usab sa abogado ang gidali-dali nga aksyon sa kaso bisan wala pa gani pormal nga kasong kriminal nga gisang-at batok sa Bise Presidente.
