CAGAYAN DE ORO CITY – Nasignit sa hingpit sa tropa sa Regional Highway Patrol Unit 10 Special Operations Team kuyog ang ubang PNP units ang gikaintapang suspected carnapper nga nagsilbi usab nga top 9 regional level most wanted person sa Brgy Patag ning syudad.
Kini tungod sa kasong carnapping diin inisyal giila ang dinakpan nga si alyas Nelfox,31 anyos,ulitawo nga nagpuyo sa Brgy Matangad,Gitagum,Misamis Oriental.
Nagpatoo nga pasahero ang suspek dihang nakisakay sa habal-habal apan pag-abot sa ngi-ob nga bahin,gitiunan niya sa kutsilyo ang drayber ug nakuha ang gimaneho nga motorsiko.
Nasuta sa imbestigasyon, daghan na’g biktima sa carnapping ang suspek apan kasagara sa iyang mga biktima walay nahandos nga mga reklamo sa piskalya.
Gitakdang itugya sa regular jail ang suspek tungod sa iyang kasong carnapping nga giatubang sa korte.
