CAGAYAN DE ORO CITY – Gituhog sa Sangguniang Panlalawigan ang kamatuoran sa Misamis Oriental pinaagi sa committee investigation ang isyu sa govt documents nga gilabay ug gilubong sulod sa bisinidad sa provincial jail nga nakabase sa Initao ning lalawigan.
Gibutyag ni SP Committee on Good Government and Accountability chairman Board Member Dexter Yasay nga nag-unang tuyo sa imbestigasyon nga ma-establisar ang tinud-anay nga importansiya sa maong mga papeles.
Nasuta sa imbestigasyon nga wala na’y kapuslanan ang maong mga dokumento rason nga nahukman ilabay sulod sa govt facility pagsiguro nga dili mohungaw ug magamit sa dili maayong katuyuan.
Una niini,mi-esplikar si Provincial Legal Officer Atty. Angel Lim nga wala sukad nga nangakusar sila kung adunay anomaliya sa maong mga kabtangan.
Kini tungod kay normal sa usa ka ordinaryong tawo nga makurat ug mahingawa kung unsa ang maong mga dokumento nga pinasahi ang paglabay kay gilubong sulod sa kayutaan nga sakop sa MOPJ niadtong Hunyo 24 ning tuiga.
