CAGAYAN DE ORO CITY- Hingpit nang nahanaw ang paglaum sa Gilas Pilipinas nga ma-qualify sa 2020 Tokyo Olympic Games.
Kini human sila pukana sa Team Tunisia sa ilang panagsangka sa classification match sa FIBA World Cup didto sa Beijing, China kagabii.
Nagpakita sa imprisibong shooting performance ang Tunisia nga nagresulta sa ilang kadaugan sa final score nga 86-67.
Wala gayud nakalabaw ang Gilas gikan sa 1st hangtud sa 4th quarter.
Gipaningkamotan pa sa Pilipinas nga makabawi sa 4th quarter, apan wala na sila maka-apas sa dakong labaw sa Tunisia.
Si Andray Blatche maoy top scorer sa Gilas sa iyang 24 puntos ug 11 rebounds.
Mao na kini ang ika-upat nga kaparutan sa Gilas, diin una silang nakatilaw sa mapait nga kapildihan sa Team Italy, Serbia ug Angola. Sunod nga makasangka sa Gilas sa classification match ang powerhouse Team Iran.
