LATVIA – Sulod gihapon sa semi-final round ang Gilas Pilipinas, taliwala sa sakit nga kaparutan nga ilang nadawat batok sa National Basketball team sa Georgia kagabii alang sa nagpadayong FIBA Olympic Qualifying Tournaments.
Natapos ang dula sa final score nga 96-94.
Base sa balaod sa FIBA, kinahanglan mulabaw sa 19 puntos ang Georgia aron maka-abante sa sunod nga round.
Anaa sa ikaduhang puwesto ang Gilas sa Group A nga dunay usa ka daug ug usa ang pildi, busa buhi pa ang tsansa nga sila makasulod sa Paris Olympics.
Sunod nga maka-abtang sa RP team ang modaug tali sa Brazil ug Cameroon kinsa pulos nag-unang grupo sa Group B.
Una niini, mibatig kaluya apan gisaluduhan gihapon ni Coach Tim Cone ang iyang players ug misaad nga masubli nila ang kadaugan niadtong ilang gilat-an nila ang worlds no.6 Latvia.
Hisayran nga bisan ang sports commentators ang na-shock sa hitabo human wala na naningkamot ang Gilas sa pag-ilog sa bola, aron magtie ang iskor ug mu-abante sa overtime.(Bombo Anne Quileste).
