Gipagula na sa Gilas Pilipinas ang final 12 sa mga magdudula nga musalmot sa New Zealand.
Kini nga mga players maoy maglangkob sa ikaduhang bintanan sa FIBA World Cup 2027 Asian Qualifiers.
Apil niini si Juan Gomez de Liano, nga unang higayon nga makasalmot sa national basketball team.
Wala man masulod sa lineup ang iyang kauban sa Converge nga si Justine Baltazar, ingon man usab sila RJ Abarrientos ug Troy Rosario sa Barangay Ginebra.
Sulod sa final 12 sila June Mar Fajardo, Kevin Quiambao, Chris Newsome, Calvin Oftana, Scottie Thompson, CJay Perez, Carl Tamayo, Dwight Ramos, AJ Edu, Quentin Millora-Brown ug Justin Brownlee.
Mag-agbat ang Gilas Pilipinas ug New Zealand sa Huwebes, Pebrero 26 nga pagahimoon sa Mall of Asia Arena.
