CAGAYAN DE ORO CITY- Nahatagag tsansa ang Gilas Pilipinas nga maka-qualify sa 2020 Tokyo Olympics.
Kini human napukan ang Team China sa ilang dula batok sa Team Poland sa nagpadayong FIBA World Cup sa final score nga 79-76.
Kon napukan sa China ang Poland, segurado na unta ang ilang pwesto sa Tokyo Olympics.
Hinoon, gikinahanglang pukanon una sa Gilas ang Team Angola sa ilang dula unyang hapon ug pildihon sa Team Venezuela ang China aron makuha sa Pilipinas ang ticket alang sa Tokyo Olympics.
Apan namahayag si Gilas Pilipinas coach Yeng Guiao nga wala pa sa iyang huna-huna ang Olympics kay napukos ang iyang atensiyon sa pagsakmit sa unang kadaugan sa FIBA World Cup batok Team Angola.
Una nang nanganti ang Angola nga ilang pukanon ang Gilas sa ilang final game sa Group D unyang hapon.
