Giklaro ni Acting City Information Officer Jade A. Adeser nga bakak ang nagkatag nga balita sa social media nga matud pa nanghangyo si Mayor Klarex Uy sa konseho nga ideklarar nga persona non grata si Senate President Alan Peter Cayetano.
Gipahibalo ni Adeser nga gikan kini sa usa ka troll account ug fake page nga Higala Headlines kinsang tumong mao ang pagpangdaot kang Mayor Uy ug sa buhatan sa City Hall.
Gipasabot sa opisyal nga independent body ang City Council ug dili makabuot ang mayor sa ilang pamaagi sa pagpadagan sa maong buhatan.
Dugang pa niya, mas gipunting karon ni Mayor Uy ang iyang pagserbisyo sa katawhan sa dakbayan imbes nga mabalaka sa nahitabong power struggle sa Senado. Subay niini, gipadayag ni Adeser nga klaro nga planado ug ginapondohan ang maong pag-atake batok sa administrasyon sa dakbayan.
