CAGAYAN DE ORO CITY – Gipusil-patay ang babaye nga fruit vendor sa gitoohang gikalalis niini nga wala mailang lalaki sa Tangkungan, Pinikitan,Brgy Camaman-an ning syudad kagahapon sa hapon.
Giila ni Cogon Police Station commander Capt. Enesto Sanchez ang biktima nga si Erlyn Casimero, 40 anyos ug may upat kabuok anak nga nagpuyo sa Kinawe,Libona,Bukidnon .
Gibutyag ni Sanchez nga nakaangkon sa igo iyang ulo ang biktima gamit ang kalibre 45 rason sa kamatayon niini.
Giimbestigaran na sa kapolisan ang maong hitabo.
Samtang gibulgar ni Liza Galas nga kanhi na nga napriso ang iyang igsoon nga si Erlyn Casimero tungod sa pagkalambit sa illegal nga druga sa syudad sa milabayng mga panahon.
Gibutyag ni Galas nga may lalaki nga nakalalis si Erlyn ug gibaharan nga pusilon.
Mao na lamay iyang nasayran nga gipusil na sa wala mailang suspetsado ang iyang manghod.
Tinguha sa ilang pamilya nga maangkon ang hustiya sa pagpapatay sa iyang igsoon.
