CAGAYAN DE ORO CITY-Gihimakak sa kapolisan nga gidagit sa usa ka lalaki nga ginang gikan sa Davao City ug gitago sa Villa Trinitas, Brgy Bugo ning syudad.

Kini human unang nagpatabang sa kapolisan si Rogen Blanco nga makuha’g balik ang iyang kapikas nga si Calaica Blanco nga gikauban sa usa ka Romy Den alyas Don Ruiz sa maong lugar.

Miingon si Puerto Police Station commander C/Insp Evan Vinias nga gilayon nila gi-adtuan ang lugar apan negatibo ang presensiya sa kapikas ni Blanco.

Dili usab kumbinsido ang kapolisan nga gidagit ang kapikas ni Blanco apan wala gihapon nila sirad-i ang pag-imbestigar sa kaso.

Dumduman nga gikan pa sa Indangan, Buhangin, Davao City si Blanco ug personal midangat sa syudad tungod sa pagkawala sa iyang kapikas.