CAGAYAN DE ORO CITY – Mag-atubang sa mga kasong criminal ang passenger van driver kon walay makab-ot nga amicable settlement tali ngadto sa pamilya sa namatay’ng pasahero ug laing siyam nga naangol sa dugu-ong disgrasya sa Brgy Imbatog,Baungon,Bukidnon.
Kini ang pagsaysay ni Police Lt Deogracias Gulayan,deputy commander sa Baungon Police Station nunot sa pagka-disgrasya sa van nga gimaneho ni Eliezer Padinio nga mikalas sa biktima nga si Myrna Nunez nga pulos nagpuyo sa maong lungsod.
Subay sa imbestigasyon,mihimo’g pag-overtake ang van hinungdang kalit mibuto ang atubangan nga ligid nga nag-resulta sa pagkahayang-kulob niini.
Gidali pagdala sa municipal health unit ang namatay’ng biktima aron unta masalbar pa sa mga mananambal.
Sa pagkutlo ning balita, detinado na sa mini-cell sa PNP ang drayber nga apil sa samaron sa aksidente kagahapon sa buntag.
