CAGAYAN DE ORO CITY – Patay ang balo nga ginang dihang naligsan sa pick-up vehicle samtang patabok sa highway sa Brgy Mauswagon,Laguindingan,Misamis Oriental.
Giila ang biktima nga si Alice Dablio,hingkod ang panuigon ug nagpuyo sa maong lungsod.
Gibutyag ni Police Staff Sgt Danny Boy Alimahan sa Laguindingan Police Station nga gidala pa sa ospital ang biktima apan wala kini matabang sa mga miatiman nga doktor.
Hinoon,dali nga mitahan sa kapolisan ang driver nga si Erwin Pascua nga taga-Brgy Kauswagan ning syudad paghuman niini’g dala sa biktima sa ospital.
Apan nakig-areglo si Pascua ug giuyunan usab sa pamilya sa biktima sa balor 250-mil pesos hinungdan nga wala na’y kaso nga gipasaka ang kapolisan sa piskalya kagahapong adlawa.
